ថ្ងៃទី១៧ ខែមករា ឆ្នាំ២០៥០
គេហទំព័រ «បារមីតាដំបងក្រញ៉ូង» ទំនាក់ទំនងការ ផ្សាយពាណិជ្ជកម្ម ០៣១ ៥៥៥៥ ៤៧៤ .០១៧ ៨៨៨ ៣២៤
លោកជំទាវ បាន ស្រីមុំ អញ្ជើ​ញបើ​កបវេ​សនកា​ល ឆ្នាំសិក្សា ២០២១-២០២២ នៅវិទ្យាល័យ ហ៊ុន​សែន ក្រុងទេពនិម្មិតប៉ៃលិន
Tue,11 January 2022 (Time 06:21 PM)
ដោយ ៖ បារមីតាដំបងក្រញូង (ចំនួនអ្នកអាន: 16នាក់)


ខេត្តប៉ៃលិន៖ប្រទេស​ជាតិមួយអភិវឌ្ឍទៅបាន គឺអាស្រ័​យលើធនធានមនុស្សនៃប្រទេសនោះ មានន័​យថា ប្រជាពលរដ្ឋ ត្រូវមានការអប់រំខ្ពស់ មានចំណេះដឹងជ្រៅជ្រះ មានសីលធម៌ក្នុងការរស់នៅ ដែ​លទាំងអស់នេះ បានមកពីការអ​ប់រំបណ្ដុះបណ្ដាល​នៅសាលា ​និងនៅក្នុងគ្រួសារ។លោកជំទាវ បាន ស្រីមុំ លើកឡើងបែបនេះក្នុងឱកាសដែល លោកជំទាវ អញ្ជើ​ញបើ​កបវេ​សនកា​ល ឆ្នាំសិក្សា ២០២១-២០២២ នៅវិទ្យាល័យ ហ៊ុន​សែន ក្រុងទេពនិ​ម្មិតប៉ៃលិន។

ក្នុងនោះលោកជំទាវ ក៏លើកទឹកចិត្ត ដល់យក្មួយៗ​សិស្សានុសិស្ស សម្រាប់បវេសនការថ្មីនេះ ត្រូវខិ​តខំរៀនសូត្រយក​ចំណេះដឹងពីលោកគ្រូអ្នកគ្រូ ធ្វើជាសិ​ស្សល្អ កូនល្អ ពលរដ្ឋល្អនៅក្នុងសង្គម និងត្រូ​វជៀសអោយឆ្ងាយពីគ្រឿងញៀន។ក្រៅពីការសិក្សានៅសាលារៀន ក្មួយៗ គួរឆ្លៀតពេលរៀន​ជំនាញ​បច្ចេកទេស ធ្វើការដាំដុះបន្លែ ដំណាំ​ហូបផ្លែ និងចិញ្ចឹមសត្វឱ្យបានច្រើន ដើម្បីជួយសម្រួល​បន្ទុកគ្រួសារ និងបង្កើនជំ​នាញសម្រាប់ខ្លួនឯង។

ទន្ទឹមនោះដែរ លោកជំទាវ បាន​កោតសរសើរដ​ល់លោកគ្រូអ្នកគ្រូ បុគ្គលិកអប់រំ និងថ្នាក់ដឹ​កនាំមន្ទីរ​អប់រំ ដែលបានខិតខំប្រឹងប្រែងយកចិត្តទុកដាក់ពី បង្ហាត់បង្រៀនដល់សិស្សានុសិស្ស ទោះឋិតក្នុ​ងបរិបទនៃការឆ្លងរាលដាលជំងឺកូវីដ-១៩ តាមរយៈការបង្រៀនផ្ទាល់និងការបង្រៀន ពីចំងាយ (អនឡាញ ) ។

លោកជំទាវ អភិបាលខេត្ត ក៏បានផ្ដាំផ្ញើដល់សិស្សានុសិស្សទាំងអស់ ត្រូវចៀសអោយឆ្ងាយពី​គ្រឿង​ញៀន ហើយខិតខំរៀនសូត្រដើម្បីក្លាយជាសិស្សល្អ កូនល្អ មិត្តល្អ ជាធនធានមនុស្ស​ជួយសង្គមអោ​យមានការរីកចម្រើន ។លោកជំទាវបានបន្តថា ដើម្បីចៀសបានពីស្លាប់ដោយវីរុសកូវីដ១៩ បំលែងថ្មី (អូមី​ក្រុង) ក្មួយៗត្រូវចាក់វ៉ាក់សាំងការពារជំងឺកូវីដ-១៩ឲ្យបានគ្រប់គ្នា ដូច្នេះសូមក្មួយៗ លោក​គ្រូអ្នកគ្រូ ដែលមិនទាន់បានចាក់វ៉ាក់សាំងដូសទី៣ សូមមកចាក់វ៉ាក់សាំងឲ្យបានគ្រប់គ្នា និងត្រៀម​ខ្លួន សម្រាប់ដូសទី៤ផងដែរ។

យោងតាមរបាយកាណ៍លោក តង់ ធារ៉ា ប្រធាន មន្ទីរអប់រំ យុវជន និងកីឡាខេត្តប៉ៃលិន បានឱ្យ​ដឹងថា ឆ្នាំសិក្សាថ្មី២០២១-២០២២ គ្រឹះស្ថានសិក្សា សាធារណៈទូទាំងខេត្ត នឹងដំណើ​រការរៀន និងប​ង្រៀន មានម​ធ្យមសិក្សា ៩កន្លែង វិទ្យាល័យ ចំនួន០២កន្លែង និងអនុវិទ្យាល័យ ចំនួន០៧​កន្លែង មានសិស្សសរុប៥៧២៣នាក់ ក្នុងនោះស្រី៣១១៦នាក់ បឋមសិក្សាសាធារណៈ និងឯកជន ចំនួន ៥៦សាលា មានសិស្សសរុប១១៧៥៤ ស្រី ៥៦៩៥នាក់ មេតេយ្យសាធារណៈ ​មត្តេយ្យ​សហគមន៍ និងមត្តេយ្យឯកជន២០៦០នាក់ ស្រី៨៣៧នាក់ ។បុគ្គលិកអប់រំ សរុប៨២៥នាក់ ស្រី​៤០១​នាក់ ៕

ព័ត៌មានគួរចាប់អារម្មណ៍

រថយន្តធុនធំ​សឺមីរ៉ឺម៉ក មិនគោរពភ្លើង​សញ្ញា​ត្រង់ស្តុបទី១ ក្រុងសិរីសោភ័ណ បុក​រថយន្ត​និង​ចូលផ្ទះ​ពលរដ្ឋបង្ក​ការខូចខាត សំណាងមិនបណ្តាល​ឲ្យមនុស្សគ្រោះថ្នាក់ (បារមីតាដំបងក្រញូង)

ព័ត៌មានគួរចាប់អារម្មណ៍

ស្នងកា​រនគរបា​លខេត្តបន្ទាយមានជ័យ ដឹកនាំក្រុមការងារ នាំយក​អំណោ​យជាគ្រឿងឧបភោគ បរិភោ​គ ចែក​ជូនសិស្ស និស្សិត ៤៤នាក់ នៅវិទ្យាស្ថាន​ពហុបច្ចេកទេស (បារមីតាដំបងក្រញូង)

ព័ត៌មានគួរចាប់អារម្មណ៍

សម្ពោធដាក់ឱ្យប្រើប្រាស់ជាផ្លូវការអគាររដ្ឋបាលថ្មី របស់មន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ខេត្តស្ទឹងត្រែង (បារមីតាដំបងក្រញូង)

ព័ត៌មានគួរចាប់អារម្មណ៍

ពលករខ្មែរ​ចំនួន៥១នាក់ ត្រូវទាហានថៃចាប់ឃាត់ខ្លួននៅ​​ខេត្តស្រះកែវ បន្ទាប់ពី​លួចឆ្លងដែន​ដោយ​ខុសច្បាប់ (បារមីតាដំបងក្រញូង)

ព័ត៌មានគួរចាប់អារម្មណ៍

កិច្ចប្រជុំរវាងគ​ណៈក​ម្មាធិ​ការដោះស្រាយ​ផលប៉ះពាល់​អគ្គិស​នីកម្ពុជា​ជាមួយអនុគណៈ​កម្មការដោះ​ស្រា​យផលប៉ះពាល់ ខេត្តបន្ទាយមានជ័យ (បារមីតាដំបងក្រញូង)

វីដែអូ

ចំនួនអ្នកទស្សនា

ថ្ងៃនេះ :
2722 នាក់
ម្សិលមិញ :
4224 នាក់
សប្តាហ៍នេះ :
67313 នាក់
ខែនេះ :
262547 នាក់
3 ខែនេះ :
706536 នាក់
សរុប :
3213772 នាក់